Etxebizitza

16Api 2020

Sestao Berri informazio-gutun bat bidaltzen ari zaie udal-jabetzako alokairu sozialeko etxebizitza edo ASAP programari atxikitako alokairuko etxebizitza bat alokatuta duten pertsonei, Eusko Jaurlaritzak etxebizitzaren arloan antolatu dituen laguntzen berri emateko. Zehazki, Eusko Jaurlaritzak agindu bat onartu du apirileko, maiatzeko eta ekaineko errentak ordaintzetik salbuesteko Covid-19ren ondorioz egoera ekonomiko ahulean dauden alokairu sozialeko etxebizitzaren maizterrak. Neurri horren onuradun izan daitezke Covid-19ren ondorioz langabezian dauden pertsonak eta diru-sarrerak murriztu zaizkien edo salmentetan % 40ko edo gehiagoko beherakada izan duten langile autonomoak.

Eusko Jaurlaritzaren informazio-orri honek laburbiltzen du gobernuaren agindua, eta argi azaltzen du nork jaso dezakeen laguntza. Ezarritako baldintzak betetzen dituztenek Sestao Berrirekin jarri behar dute harremanetan 944 064 460 telefono zenbakian (astelehenetik ostegunera: 8:30etik 14:00etara eta 15:00etatik 17:00etara. Ostiraletan: 8:30etik 14:00etara) edo posta elektronikoz: info@sestaoberri.eus

20Ots 2020

Aurreko asteartean, otsailak 18, Sestao Berrik eta Tech Friendlyk antolatu zuten Jardunaldiak ehundik gora lagun bildu zituen Sestaoko Musika Eskolan, hiri-agendaren esparru estrategikoak toki-eremuan eskaintzen dituen aukerak aztertzeko.

Josu Bergarak, Sestao alkateak, udalerriaren etorkizuna jasangarritasunarekin lotu zuen bertaratutakoei egindako ongietorrian. Ondoren, Hiri Agendaren eremuei buruzko txostenen aurkezpena hasi zen. Patricia Molinak (Tecnalia) Europaren ikuspegia jorratu zuen; Sonia Hernandez (Garraio Ministerioa), Espainiako agendaz aritu zen; Leyre Madariagak (Eusko Jaurlaritza), tokiko agenda landu zuen, eta Arantza Leturiondo sailburuak, Euskadiko Bultzatu 2050. Mahai-inguruei bide eman aurretik, Agate Goyarrolak (Ihobe) tokiko agenda ezartzeko metodologiak zehaztu zituen.

Plangintza estrategikotik ekintzarako bidea udalerrietan gaia eztabaidatu zuten mahai-inguru batean Asier Abaunzak (Bilbo), Amaia del Campok (Barakaldo), Igotz Lopezek (Zamudio) eta Iñigo Urkitzak (Getxo). Beste mahai-inguruak, Garapen Jasangarrirako Helburuen zerbitzura dagoen tokiko berrikuntza garatu zuen. Pedro Jauregik, Etxebizitza sailburuordeak, José Miguel Erdozainek (Tekniker) eta Luis Karlos Delgadok (Sestao Berri) parte hartu zuten. Azken honek auzo-berokuntzaren proiektua aurkeztu zuen. auzoa egituratzeko, energia aurrezteko eta Sestaoko garapen jasangarria bermatzeko duen balioa azpimarratuz.

12Ots 2020

Datorren asteartean, otsailak 18, “Hiriak pentsatzeko era berri bat. Hiri-agenda” izenpeko Jardunaldia egingo da Sestaoko Musika Eskolan. Tokiko berrikuntza eta hiri-garapeneko politikaren beharra balioztatu nahi da Garapen Jasangarrirako Helburuak lortzeko helburuaren aurrean. Sestao Berrik eta Tech friendly-k antolatutako ekimen honek Hiri Agendaren esparru estrategikoak herri mailan eskaintzen dituen aukerak jorratuko ditu, eta bere helburuen berri emango du, baita jardunbide egokien aurkezpenekin ere.

Jardunaldia goizeko 9etan hasiko da Musika Eskolako Ekitaldi Aretoan. Sestaoko alkate Josu Bergarak ongietorria eman ondoren, GJHei tokiko esparrutik heltzeko moduari buruzko txostenen azalpena hasiko da: Patricia Molinak (Tecnalia) Europa Ikuspegia-Hiri Agenda aurkeztuko du; Sustapen Ministerioko Sonia Hernandezek gauza bera egingo du Espainiako Hiri Agendarekin; Arantza Leturiondok (Eusko Jaurlaritza), Euskadi-Bultzatu 2050 Hiri Agendarekin; eta Leyre Madariagak, Tokiko Agenda 2030ekin. Ondoren, Agate Goyarrolak (Ihobe) Tokiko Agenda 2030 ezartzeko metodologia jorratuko du. Kafea hartzeko etenaldiaren ondoren, antolatuta dauden bi eztabaidetako lehena hasiko da, “Tokiko berrikuntza, GJHen garapenerako driver gisa”. Hurrengo eztabaidaren izenburua “GJHak bilatzen. Plangintza estrategikotik ekintzara”. Jardunaldia itxi aurretik, Tech Cities rankingaren I. Deialdiaren irekiera ofiziala egingo da.

04Ots 2020

Bost mila lagunek baino gehiagok bisitatu dute joan den astean Durangon “Berdeago Energy”, jasangarritasunari eta ingurumenari buruzko azoka. Ostiralean ireki zituen ateak azokak, urtarrilaren 31n, eta igandean amaitu zen, otsailaren 2an. Jasangarritasunarekin eta energiaren arloko berrikuntzekin lotutako berrogeita hamar erakusle baino gehiago izan dira dagoeneko zortzigarren edizioa egion duen azokan.

Aurtengo azokaren berrikuntza nagusia “GJH Hiriak” izan da; hau da, Garapen Jasangarrirako Helburuek hiriei planteatzen dizkieten erronkei burzkoak. Sestao Berri kide den Etxebizitza eta Lurzoruaren Kudeatzaile Publikoen Elkarteak (AVS Euskadi) stand propio batekin parte hartu du da azokan, “Berrikuntzaren uhartea” izeneko espazioan, GJHekin konprometitutako elkargo ofizialekin, elkarteekin eta klusterrekin batera. Leku horretan, Sestao Berrik elkarte horren helburuei buruzko informazioa eskaini die bisitariei, baita parte hartzen duen Europako bi proiekturi buruzkoa ere: “+CityxChange” ekimena, hiri adimendunei, hiri-ekosistema jasangarriei eta zero emisio dituzten energia positiboko barrutiei buruzkoa; eta etxebizitzetan energia-kontsumoa murrizteko “Eu-Gugle” proiektuari buruzkoa.

28Ots 2019

Iñaki Arriola Eusko Jaurlaritzaren Ingurumen, Lurralde Plangintza eta Etxebizitza sailburuak eta Josu Bergara Sestaoko alkateak gaur goizean sinatu dute konpromiso-akordio berria, Txabarri-El Sol aldeko hiri-birgaitzea amaitzeko.

Sestaoko alkateak Josu Bergarak adierazi du “egun historikoa” dela udalerriarentzat; izan ere, “gaur laguntza handia eman zaio Txabarriko hirigintza-birgaitzearen prozesuari, eta batez ere ibilbide-orri argia zehaztu dugu Sestaoko beheko alde osoa urte gutxiren buruan eraberritu dadin.
Bestalde, Arriola sailburuak esan du berak zuzentzen duen Saila “konprometituta dagoela Sestaoko hiri-suspertzearekin, Euskadin identifikatutako auzo ahulak birsortzeko egin duen apustu orokorraren barruan, euskal herritarren % 31 bizi baita horietan”. “Estrategia horretarako” gaineratu du: “beharrezkoa da denboran iraungo duen esku-hartzea egitea, eta hori egiteko modu onena da erakundeen artean lankidetza estua egotea eta Europako programen laguntza izatea, Txabarri-El Sol Auzunean egin den bezala”.

Burutuko diren lanak honako hauek izango dira: 16 infraetxe-eraikin eraitsiko dira, 134 etxebizitza eraiki eta beste 30 etxebizitza eraberritu, eta horrez gain herritarren bizi-kalitatea hobetzeko espazio publikoak eraldatu. Proiektu hauek gauzatzea erakunde bien finantza-gaitasunera egokitu ahal izateko, bi fasetan egingo dira lanak. Informazio gehiago hurrengo berrietan emango dugu.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies