Sestao Berri partaidetzapeko sozietate publikoa da. Partaidetza horren %50 Eusko Jaurlaritzako Ingurumena, Lurralde Plangintza eta Etxebizitzako Sailaren esku dago; eta beste %50, Sestaoko Udalaren esku. 2005. urtean sortu zen Sestaoko hirigintza biziberritzeko tresna moduan, eta, aldi berean, gizarte zein bizikidetza arloko lana ere garatzen du auzokideen erkidegoekin.
Sozietateko jarduera hiru lan-lerro handiren inguruan garatzen da: birkokapenak, zaharberrikuntza eta udal-etxebizitzen kudeaketa. Sestaok alokairu sozialeko 216 etxebizitza ditu gaur egun. Erdiak baino gehiago (205, hain zuzen ere) udaleko higiezinen parkekoak dira, eta, batez ere, biztanleak birkokatzeko erabiltzen dira. Batez besteko errenta 120,83 eurokoa da.
ASAP (Alokairu Segurua, Arrazoizko Prezioa) programaren helburu nagusia titulartasun pribatuko etxebizitza hutsak merkatuan errentarientzako arrazoizko prezioan alokagai ipintzea da.
Sestao, hiri birgaitze eta birsorkuntza jasangarriaren eredua.
Eraginkortasun energetikoaren irizpideekin zaharberritutako Txabarri-El Sol eremuko 20.000 m2-ei buruzko bideoa. EU-GUGLE proiektu europarra 6 hiritan garatu da: Aquisgran (Alemania), Milan (Italia), Tampere (Finlandia), Viena (Austria), Bratislava (Eslovakia) eta Sestao. Gure herrian lortutako aurrezpen energetikoa %83,2tik %87,1era bitartekoa izan da
