+CityxChange hiri adimentsuko proiektua da, eta Europako Batasunaren Horizon 2020 ikerketa eta berrikuntza programaren funtsak jaso ditu 'Hiri eta komunitate adimendunen' deialdian. Ondorengo hiriak dira proiektuaren partaide: Limerick (Irlanda), Trondheim (Norvegia), Vmotatako (Estonia), Písek (Txekia), Alba Iulia (Errumania), Smolyan (Bulgaria), eta Sestao.

Azkenaldiko teknologia garapenek hainbat zerbitzuren funtzionamendua aldatu dute, besteak beste, energia merkatuak. Kontsumo-Produkzioaren eredua konplexuagoa bihurtu da diseinuaren, eragiketaren eta mantentze-lanen arloei dagokienez. Oinarrizko elementu berriak sartu dira, sistemarako funtsezkoak direnak: iturri berriztagarriak, energia-biltegiratzea, sare adimendunak, datuen kudeaketa, "prosumitzaileen" kontzeptua (ekoizleak eta kontsumitzaileak), etab.

+CityxChange proiektuak berrikuntza horiek ulertu eta aprobetxatu nahi ditu honako helburu hauek lortzeko: energia berriztagarriaren autokontsumorako komunitateak sortzea; kontsumitzen dutena baino energia berriztagarri gehiago sortzen duten eraikin eredugarriak izatea; herritarrak eta erakunde publiko-pribatuak hiriaren etorkizuneko ikuspegian inplikatzea epe ertain eta luzerako asmo handiko helburuekin; elektro-mugikortasuna sustatzea, eta ikasitako esperientziak zabaltzea, horietatik onura gehiago atera ditzaten gainerako hiriek.

+CityxChange Proiektua 2019an hasi zen eta 2023an amaituko da.

cityxchange.eu