Etxebizitza

19Aza 2021

AVS Kudeatzaile Publikoek, Euskal Herriko Unibertsitateak, Sestao Berrik eta Sestaoko Udalak antolatutako “Etxebizitza produktiboari begiradak” zikloa gaur amaituko da online saio batekin, aste honetan Bilbon eta Sestaon egindako jardunaldi presentzialen ondoren. Gaur jardunaldion ondorioak aurkeztuko dituzte Ibon Salaberriak, Iñigo Garciak, eta Ander Gortazar, Eze Collantes eta Ula Ururetagoiena errelatoreek, guztiak UPV/EHUko Arkitektura Eskolakoak; Edurne Gonzálezek,UPV/EHUko Arte Ederretako Fakultatekoa; eta Elvira Lopezek eta Luiskar Delgadok, AVSko 3R Taldeko koordinatzaileak.
Jardunaldien itxiera-saioak azken hitzaldi bat izango du, honako hau, hain zuzen ere: “New Bauhaus: erabilgarria ederra egin”, Lluís Comerón CSCAE Espainiako Arkitektoen Elkargoen Kontseilu Goreneko presidenteak,aurkeztuta, itxiera instituzionala egin aurretik. Azken hau, ondorengoen adura izango da: Juanjo Arrizabalaga UPV/EHUko Arkitektura Eskolako dekanoa; Arantza Lauzirikak, UPV/EHUko Arte Ederren Fakultateko dekanoa, eta Enrique Bueso, AVS Espainiako Etxebizitza eta Lurzoru Kudeatzaile Publikoen Elkarteko gerentea.

18Aza 2021

Lanbidek Sestaon duen ekitaldi-aretoan hasi da gaur goizean “Etxebizitza produktiboari begiradak” zikloko lehen hitzaldia. Javier Puertasek, AVPIOP, Industria Ondare eta Herri Laneko Euskal Elkarteko presidenteak, “Langileen etxebizitza proiektua” izeneko txostena aurkeztu du. Jarraian,Tipi Tailerreko lan prozesuaren aurkezpena programatu da, bigarren txostenaren aurretik. Hau, “Klanean bizitzea” izenburupean, Igor Rezolak, UPV/EHUko Arte Ederretako Fakultateko irakasleak aurkeztuko du.
Arratsalde partez, artista, ikertzailea eta Muturbeltz proiektuaren sortzailea den Laurita Silesek “Baserria sormen-esperientziatik birpentsatzearen” inguruan dituen gogoetak partekatuko ditu, eta Yolanda Jubeto, EHUko Ekonomia eta Enpresa Fakultateko irakasleak, “Bere zereginetatik langileen borrokara: bizitzaren iraunkortasuna erdian” izeneko txostena aurkeztuko du. Arratsaldean, halaber, aire zabaleko herri-zinemari buruzko saio bat egingo da Sestaoko Hiru Kontzejuen Plazan, Itxaso Díaz eta Camilo Torres Zorrillak aurkeztutako Lan Ikus-entzunezko Zinemaldiko filmen sorta batekin. Azkenik, etxeko lanari, etxeko espazioei eta hierarkia espazialei buruzko eztabaida izango da, Bonell Doriga, Bet Capdeferro eta Husos Plataformaren esku-hartzearekin, Ula Iruretagoiena errelatore delarik.

17Aza 2021

Sestaoko alkateak, Ainhoa Basabek, Alfonso Gomezek, Eusko Jaurlaritzako Etxebizitza Saileko Bizkaiko ordezkariak, Enrique Buesok, AVSko gerenteak eta Luiskar Delgadok, Sestao Berriko zuzendari gerenteak eta AVS Euskadiko presidenteak hasiera eman diote jardunaldien bigarren egunari. Gaurko jardunaldiaren leloa honakoa da: ” Eraikitakoan esku hartzea” eta hasteko, hiru hitzaldi emango dira.Lehena Miguel Baiget Llompart Garraio, Mugikortasun eta Hiri Agenda Ministerioko Lurzoru, Informazio eta Ebaluazioko zuzendariorde nagusiak emango du, eta Europako funtsek birgaitzearen testuinguruan duten egokitasunaz arituko da. Aurkezpen horren ondoren, Tecnalia Research & Innovationeko Patricia Molinak, Urban Planner PhD Lead Researcherk, hiri-birgaitze eta berroneratze integratuko planak eta Hiri Agenda egiteko gida garatuko du. Goizeko hirugarren hitzaldian, Juan Rubiok, Ciudad 3R Behatokiko zuzendariak, birgaitze-politiken jarraipenaz eta ebaluazioaz hitz egingo du.
Aipatutako txostenen aurkezpenaren ondoren, ECODES Ekologia eta Garapena Fundazioko energia eta pertsonak ataleko teknikari den Javier Tobiasek “Inor atzean utzi gabe birgaitzearen aldeko Aliantza” aurkeztuko du.
Birgaitzearen finantzaketa-tresnak mahai-inguru batean jorratuko dira. Mahai-inguru horretan, Alex Saz-Carranzak Europako Inbertsio Bankuaren (EIB) finantzaketa-programak banakatuko ditu; Mario Yoldik, Eusko Jaurlaritzako Lurralde Plangintza, Etxebizitza eta Garraio Saileko Plangintzaren eta Prozesu Eragileen zuzendariak, gauza bera egingo du birgaitzearen finantzaketa publikorako tresnekin; eta, bertan, Jon Ansoleaga, Eraikune eraikuntzako clusterreko zuzendaria, eta Alvaro Martinez, EOS Energy-ko CEO, hurrenez hurren, izango dira.
Bazkaltzeko etenaldiaren aurretik, Luiskar Delgadok eta Elvira Lópezek AVSko 3R Taldearen jarduerak aurkeztuko dituzte. Arratsaldean, Pilar Diazek eta Ángela Peraltak hirian parte hartzeko eta komunikatzeko guneak sortzeko tresnez hitz egingo dute, udalekin, herritarrekin eta beste eragile batzuekin komunikazioa lantzeko. Azkenik, Izaskun Chinchilla, Carlos Gor eta Lys Villalbak, Eze Collantes errelatore dutela, jardunaldiari amaiera emango diote “Auzoak eraberritu. Etxe bat baino zerbait gehiago” gaiarekin.

16Aza 2021

AVS Kudeatzaile Publikoek, Euskal Herriko Unibertsitateak, Sestao Berrik eta Sestaoko Udalak antolatutako “Etxebizitza produktiboari begiradak” jardunaldiak Sestaora iritsiko dira gaur arratsaldean, eta hemen emango dituzte astearen gainerako egunak, txosten, hitzaldi, eztabaida eta bestelako jarduerekin, hori guztia etxebizitzari, birgaitzeari eta hiri-berroneratzeari lotuta.
Zikloaren inaugurazio ofiziala gaur goizean egin da Bilbon, UPV/EHUko Bizkaia Aretoan. Bertan, lehen saiora bertaratu direnei ongietorria eman die Sestao Berriko zuzendari gerentea eta AVS Euskadiko presidentea den Luiskar Delgadok. Agurraren ondoren, zikloaren aurkezpen instituzionalean parte hartu dute Pedro Jauregi, Eusko Jaurlaritzako Etxebizitzako sailburuordeak; Jeronimo Escalera, AVSko presidenteak; Ainhoa Basabe, Sestaoko alkateak; Beatriz Zabalondo, Bizkaiko Errektoreordetzako Kultura eta Euskara Saileko zuzendariak; Asier Benavides, Euskal Herriko Arkitektoen Elkargo Ofizialaren Bizkaiko ordezkaritzako presidenteak; eta Jose Angel Medina, Mugak Euskadiko Nazioarteko Arkitektura Bienaleko komisarioaki.
Erakunde ofizialen agurraren ondoren, etxebizitza produktiboaren kontzeptua jorratu dute begirada ezberdinekin ondorengo hauek: Pablo García Astrain, Eusko Jaurlaritzako Etxebizitza, Lurzoru eta Arkitekturako zuzendaria; Iñigo García eta Ibon Salaberria, UPV/EHUko Arkitektura Eskolako irakasle eta EHUko Etxebizitza Produktiboari buruzko Ikerketaren koordinatzaileak; Elvira Lopez eta Luiskar Delgado, AVSko 3R Taldeko koordinatzaileak; eta Arantza Lauzirika eta Edurne Gonzalez, UPV/EHUko Arte Ederren Fakultateko irakasle eta euskal unibertsitate-sistemako AKMEKA, Arte, Media eta Kultura talde finkatuaren ikertzaileak. Eztabaida amaituta, Euskal Herriko Arkitektoen Elkargo Ofizialaren Bilboko egoitzara bisita programatu da, bertan Juan Daniel Fullaondo arkitektoari buruzko erakusketa ikusteko.
Arratsaldean, Sestaon jarraituko du “Etxebizitza produktiboari begiradak” izeneko lehen jardunaldiak. Herri horretara itsasontziz egingo da bidaia, itsasadarrean barrena. Ezkerraldeko udalerri horretako Musika Eskolako lokaletan, birgaitze-bulegoei buruzko hausnarketa-tailer bat egingo da, Gerardo Ruiz Palomequeren txostenarekin, “Birgaitzearen kudeaketa koordinatua hurbileko interakzio-espazioen bidez”, eta “Euskarria bizi-ziklo gisa, paisaia berreskuratzea” lelopeko eztabaidarekin, Miriam Garciaren eta Joan Roigen eskutik, Ander Gortazar errelatore gisa jardunez. Bihar Sestaon jarraituko dute jardunaldiek, goizeko bederatzietan hasita.

08Aza 2021

Sestao Berrik, Sestaoko Udalak, AVS Gestores Públicos elkarteak eta Euskal Herriko Unibertsitateak antolatutako “Etxebizitza produktiboari begiradak” Jardunaldiak egingo dira azaroaren 16, 17, 18 eta 19an. Izenburu horrekin hainbat jarduera prestatu dira, besteak beste, ponentzien aurkezpena, eztabaida parte-hartzaileak, lan-tailerrak, erakusketak, bisita gidatuak eta bestelako ekitaldiak paraleloan. Hori guztia etxebizitzarekin eta hiri-birgaitzearekin lotuta eta ikuspegi oso desberdinetatik landuta. Jardunaldiok Mugak Arkitektura Bienalaren barruan egingo dira.
Egitarau zabala azaroaren 16an, asteartea, hasiko da. UPV/EHUren Bilboko Bizkaia Aretoan aurkezpen instituzionalaren ondoren, etxebizitza produktiboaren kontzeptuari buruzko lehen hitzaldiak hasiko dira, begirada desberdinetatik jorratuta, jardunaldien izenburu orokorrak dioen bezala. Ondoren, Bizkaiko Arkitektoen Elkargoan Juan Daniel Fullaondo arkitektoari buruzko erakusketa bisitatzea programatu da, itsasadarrean zehar itsasontziz ibilbidea egin aurretik Bilbotik Sestaoraino. Azken herri honetan, arratsaldean, birgaitze-bulegoei buruzko gogoeta-tailerra eta solasaldia izango da, azken hau “Euskarria bizi-ziklo gisa paisaia berreskuratzeko” izenpean.
Azaroaren 17an, asteazkena, “Eraikitakoan esku hartzea” izenburuko jardunaldia Sestaon egingo da oso-osorik. Bertan, Europako funtsak, hiri-birgaitze eta berroneratze integraturako planak eta Hiri-Agenda egiteko Gida, eta Birgaitze-politiken jarraipena eta ebaluazioa landuko dira. “Inor atzean utzi gabe birgaitzearen aldeko Aliantza” ere aurkeztuko da, eta Birgaitzea finantzatzeko tresnak jorratuko dira mahai-inguru batean. Arratsaldean, AVSren 3R Taldearen jarduerak aurkeztuko dira, eta “Nola antolatu parte-hartzeko tailer bat eremuak elkar sortzeko hirian” eta “Auzoak eraberritu, etxe bat baino zerbait gehiago” eztabaidak plazaratuko dira.
“Etxekoa” izenburupean, azaroaren 18an, osteguna, Sestaon jarraituko du zikloak “Langileen etxebizitza proiektua” hitzaldiarekin eta Tipi Tailerraren lan-prozesuaren aurkezpenarekin. Beste hiru hitzaldik (“Lanean bizitzea”, “Baserria sormen esperientziatik birpentsatzea” eta “Bere zereginetatik langileen borrokara: bizitzaren iraunkortasuna erdian”) eta mahai-inguru batek (“Etxeko lanaz. Etxeko espazioak eta hierarkia espazialak”) osatuko dute eguneko egitaraua, arratsaldez, Hiru Kontzejuen Plazan, aire zabalean herri-zinemari buruzko saio batekin biribilduta. Bertan, “Lan Ikus-entzunezko Langile Jaialdiaren” filmen aukeraketa bat proiektatuko da.
“Etxebizitza produktiboari begiradak” zikloko azken jardunaldia online zuzenduko da azaroaren 19an, ostirala. Jardunaldien balantzea egingo da eta ondorioak aurkeztuko dira. Itxiera-saioaren txostena honako honi buruzkoa izango da: “New Bauhaus, erabilgarria ederra egin”.
Lekuen edukiera dela eta, ezinbestekoa da aldez aurretik izena ematea. Hemen egin daiteke. Eta beste esteka honetan, programatutako guztia kontsultatu.

29Urr 2021

Sestao Berrik sustatuta, “Sestaoko Vicente Diez plazan 184 etxebizitza energetikoki birgaitzeko eta District Heating bat instalatzeko” proiektuak Etxebizitza eta Lurzoruaren Kudeatzaile Publikoen Espainiako Elkarteak eman zituen 2020ko AVS Sarietako bat lortu zuen atzo Sevillan. Zehazki, accesit bat eman zioten “Ingurumen kudeaketa hobea izan duen enpresa” kategorian. Epaimahaiak proiektuaren hainbat alderdi azpimarratu zituen saritzeko orduan. Horrela, aktan jasotzen denez, baloratu zuen “berokuntza eta ur beroa sanitarioaren sistema zentralizatu eta jasangarri bat egitea, auzune oso bat hornitzen duena, barruti bakoitzeko % 40 eta % 80 arteko lehen mailako energia aurreztea lortzea; energia berriztagarrien erabilera areagotzea; hiri-ingurunea eta irisgarritasuna hobetzea; berokuntza eta ur bero sanitarioko zerbitzuaren erabiltzaileen prestakuntza; sentsibilizazioa eta kudeaketa independentea egiteko aukera; eta prozesuan zehar ezarritako baldintzak ingurugiroaren kalitatea hobetzeko”.

“Eraikuntza Berriko, Etxebizitza Sozialaren Kudeaketako, Ingurumenaren Kudeaketako, Birgaikuntzako eta Zerbitzu Publikoetako Praktika Onenen AVS Sariak” banatzeko ekitaldia atzo, urriak 28 osteguna, ospatu zen Andaluziako hiriburuan. Bertan, AVS erakunde antolatzaileak -Sestao Berri elkarteko kidea da-, bere Batzar Nagusia egin zuen ondoren.

Sari-banaketara etxebizitza publikoarekin lotutako sektoreetako ordezkaritza zabala bertaratu zen, eta baita erakundeetako ordezkariak ere. 2020ko AVS Sarien deialdira proiektu ugari aurkeztu ziren, Espainia osotik. Aurre-hautaketaren ondoren, epaimahaiak guztira 30 hautagaitza onartzea erabaki zuen, atal desberdinetan.

AVS Sariak bi urtez behingo ekimena dira eta atzo banatutakoak 2020ko zazpigarren edizioari dagozkie, koronabirusaren pandemiak ezarritako murrizketen ondorioz atzeratu behar izan zena. Sestaoko alkatea den Ainhoa Basabek jaso zuen Sestao Berriri emandako saria. Ekitaldiaren anfitrioi gisa jardun zuen EMVISESA, Sevillako Etxebizitza, Lurzoru eta Ekipamenduko udal enpresako presidenteak, Juan Manuel Flores Corderok eman zion aintzatespena.

30Api 2021

Alokabide etxebizitza horien giltzak maizterren esku uzten hasi da, Sestaon erroldatuta dauden, 9.000 eta 39.000 euro arteko diru-sarrerak dituzten eta jabetzan etxebizitzarik ez duten pertsonei esleitu ondoren. Bi eta hiru logelako pisuak dira, eta horietako bost, mugikortasun urriko pertsonentzat egokituta daude. Esleipenean kolektiboak lehenesteko kupoak ezarri dira, hala nola gazteak. Hala, 15 etxebizitza 36 urtetik beherakoentzat dira; 13 etxebizitza premia berezia duten pertsonentzat; 8 etxebizitza, eskubide subjektiboa aitortuta duten pertsonentzat eta 6, kupo orokorrarentzat.

Eusko Jaurlaritza eta Sestaoko Udala lankidetzan ari dira 2005etik, hitzarmena sinatu zuten urtetik, Sestaoko gizarte eta hiri-berroneratzeko programaren hasieran. Akordioaren bidez, Udalak 40.000 m2 lursail baino gehiago laga zituen Galindo Ibarran, eta Visesak dagoeneko bi eraikin egin ditu bertan: babes publikoko 58 etxebizitzako lehen blokea, alokairu sozialekoa, Sestao Berrik kudeatua, eta beste eraikin bat, 105 etxebizitzarekin; horietatik 53 salmentara zuzendu dira; 47 etxebizitza, maizterren artean banatzen dituzte gaur egun, eta 5 etxebizitza erreserbatuta daude hirigintza eta berroneratze eragiketen ondorioz sor litezkeen birkokatzeetarako.
Eusko Jaurlaritzak beste bi eraikin lizitatuko ditu datorren urtean Galindo Ibarreko eremu horretan, eta horiekin babes publikoko 180 etxebizitza gehiago izango ditu udalerriko errentamendu-parkeak. Bi eraikinon eraikuntzak 25 milioi eurotik gorako inbertsioa izango du.

14Mar 2021

Sestaoko behealdean Sestao Berrik sustatutako District Heating, Auzo-berokuntzaren azpiegitura egin duen Tecman enpresak, instalazioak diseinatu eta dimentsionatzeko ingeniaritzak, bideoa zabaldu du lan honen inguruan. Bideoak sistemaren funtzionamendua azaltzen du eta Vicente Diez Plazako zorupean dagoen galdara aretoaren irudiak erakusten ditu. Bertatik, berogailua eta ur bero sanitarioa banatzen dira auzoko laurehun etxebizitzatara.

Sestao Berrik ekimen hau bultzatu du EU-GUGLE birgaitze energetikorako proiektu europarraren babespean. Proiektua beste auzo eta udalerritan errepikatu daiteke.

Bideoa ikusgai, hemen.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies