+Cityxchange

• TOKIKO TRANTSIZIO ENERGETIKORAKO ERRONKAK jardunaldiak kudeaketa energetikoko adituak bilduko ditu
• Jardunaldia tokiko erakundeei, energia zerbitzuen enpresei eta eskualdeko herritarrei zuzenduta dago.

JAURDUNALDIAREN PROGRAMA

Sestaon, 2023ko Urriak 10

Sestaok tokiko trantsizio energetikoko adituak bilduko ditu urriaren 19an. “Tokiko trantsizio energetikoranzko erronkak” jardunaldiak erronkak eta aukerak jorratuko ditu etorkizun iraunkorrago baterako bidean.

Trantsizio energetikoa prozesu kritikoa da, eta energia-iturri kutsakorretatik energia berriztagarri eta garbiagoetara aldatu behar da. Udalerriak funtsezko eragile bihurtu dira eraldaketa horretan, eta jardunaldi honen helburua aldaketa hori nola lideratu dezaketen aztertzea da.

Baieztatutako hizlarietako batzuk honako hauek dira: Ainhoa Basabe, Sestaoko alkatea; Iñigo Ansola, EEEko zuzendari nagusia; Lada Strelnikova, Energia Eraginkortasunerako Europako Funtseko Inbertsio Iraunkorren zuzendaria; Rafael Gil, SAWATCO energia-eraginkortasunean aditua den aholkularitza-enpresako CEOa; Luiskar Delgado, Sestaoko Udalerako SeSmart proiektuaren koordinatzailea, eta beste aditu batzuk, besteak beste, Vicinay Sestao, Arcelor Mittal, Edinor, Iberdrola eta LKS Krean enpresetako ordezkariak.

Goizeko saioa, 9 00etatik 14:30etara, lau bloketan banatuta egongo da. Energia-kudeaketari hainbat ikuspegitatik helduko zaio:

• Tokiko trantsizio energetikorako plangintza estrategiko publikoa: Hainbat udalerrik beren esperientziak partekatuko dituzte beren tokiko komunitateetan eguzki-energiaren, energia eolikoaren eta beste iturri berriztagarri batzuen proiektuak inplementatzeko.
• Klimaren eta energiaren aldeko ekintza-planak hedatzea: udal-instalazioetan energia-eraginkortasuna hobetzeko estrategiak eztabaidatuko dira, tokiko eremutik energia-kontsumoa eta karbono-emisioak murrizteko.

• Tokian tokikoari eragiten dioten deskarbonizazio-planak: Eskualdean egoitza duten enpresa batzuek ikatza kentzea eta energia-trantsizioa modu eraginkorragoan bultzatzeko dituzten ekimenak kontatuko dizkigute.

• Herritarren ahalduntzea trantsizio energetikorantz: Sektoreko enpresa desberdinekin landuko dugu herritarrei energiaren sorkuntzarekin, kontsumoarekin eta kudeaketarekin lotutako erabakietan parte hartzeko beharrezkoak diren ezagutza eta tresnak ematearen garrantzia, horrela praktika iraunkorragoak hartzea eta energia-kultura arduratsua sortzea sustatuz. Arratsaldeko saioa, 18:00etatik 20:00etara, herritarrei eta Sestaoko eta inguruko udalerrietako elkarteei zuzenduta egongo da:

• Trantsizio energetikoari buruzko hezkuntza- eta kontzientziazio-tailerra: Helburua da sentsibilizatzea komunitatea ahalduntzeko praktika energetiko iraunkorrak hartzen. Tokiko energia-komunitateentzako irtenbideak eta adibideak aurkeztuko dira.

Trantsizio energetikoa lehentasuna den testuinguru global honetan, ekitaldi honek tokiko ekintzak guztiontzako etorkizun berde eta osasungarriagoa eraikitzeko duen garrantzia nabarmentzen du. Nagusiki, zerbitzu publikoetako ingurumen-arduradunei, energia-zerbitzuen enpresei, tokiko elkarteei eta herritarrei zuzenduta dago.

IZEN-EMATEAK

Sestao Berrik antolatu du ekitaldia, Sestaoko Udalaren laguntzarekin, eta +CityxChange proiektuaren barruan dago. Sestaok, Europako beste sei hirirekin batera, erreferentziazko hiri bihurtu nahi du irtenbide energetiko adimendunak eta positiboak integratzeko orduan. Hiri horiek esperientziak partekatzen dituzte, elkarrengandik ikasteko eta herritarren bizi-kalitatea hobetzeko azkarrago aurrera egiteko.

Trantsizio energetikoa ez da erronka hutsa, baizik eta aukera bat udalerriek klima-aldaketaren aurkako borrokan ezberdintasuna markatzeko.

Sestaok akordio bat sinatu du Energia Eraginkortasunaren Europako Funtsarekin (EEEF), erakunde horren Laguntza Teknikoko Programan sarbidea izateko. Sestao Berrik energia garbiko irtenbideak ezartzea helburu duen Hiri Adimendunen Foroan gauzatu du akordioa. Esparru horretan, Sestaok mota horretako esperientziak gauzatu ditu hirian Energia Positiboko Blokeak garatzen dituen H2020 +CityxChange proiektuan parte hartuta. Proiektu horien aurkezpenak Energia Eraginkortasunaren Europako Funtsaren interesa piztu du, eta Sestao Laguntza Teknikoko Programan onartzea ahalbidetu du. Horri esker, komunitate energetikoak eta esparru osoan eraginkortasunari lotutako beste gai batzuk garatu ahal izango dira, hala nola eraikinen birgaitze energetikoa, argiteria publikoaren modernizazioa eta ibilgailu elektrikoak kargatzeko estazioen instalazioa, besteak beste.

Energia Eraginkortasunaren Europako Funtsak zeregin horietan parte hartuko du, 200.000 euro inguruko ekarpenarekin, aurreikusitako ekintzen bideragarritasun teknikoa, ekonomikoa eta juridikoa zehazten duten hainbat azterlan finantzatzeko. Halaber, Funtsak Sestao Berriri laguntza teknikoa emango dio lehiaketa publiko berrien Europako deialdietan. Deialdi horiek 2023ko udaberrian irekitzea aurreikusten da, eta 14 milioi euro inguruko inbertsioa ekar dezakete. Aurreikusitako proiektuak gauzatzeak aukera emango lioke Sestaori, kalkulu xumeenen arabera, CO2 isuriak % 2,4 murrizteko, industria-sektoreak egiten dituen ekintzak zenbatu gabe. Kopuru hori Sestaon 650 biztanleko karbono-aztarna erabat neutroaren parekoa izango litzateke.

Sestao Berri elkarte publikoa 2005ean eratu zen, Sestaoko Udalak eta Eusko Jaurlaritzak erdibana partaidetuta, Sestaoko gizarte eta hirigintza berroneratzeko erakundeen arteko lankidetzarako tresna izan zedin. Lan horrek hainbat jarduera hartzen ditu barne, hala nola lurzoruaren kudeaketa, etxebizitza eskuratzea, alokairuen kudeaketa, birgaitzea, azpiegituren sustapena, partaidetza eta elkarlan sozial eta komunitarioko proiektuak edo Europako proiektuetan parte hartzea, besteak beste.

Hona hemen Sestao Berrik hamabost urte hauetan egin dituen jardueretako batzuk:
• Lurzoruaren kudeaketa: Infraetxebizitzen ezabapena (Rivas, Urbinaga, Simondrogas eta Txabarri), eta 40 eraikin eraistea (400 etxebizitza), 650 pertsonari baino gehiagori eragin dieten 200 bizileku-aldaketen kudeaketa eta laguntza soziala eta juridikoa Sestao Berrik emanda.
• Etxebizitza eskuratzea: 466 etxebizitza sustatu dira (261 BOE La Bariegan, La Puntan eta Txabarrin; 102 etxebizitza sozial Orixe eta La Puntan; 103 etxebizitza libre La Puntan); 211 udal-etxebizitza alokairuan kudealketa; ASAP programaren kudeaketa (56 kontratu).
• ARI Txabarri-El Sol: 47 etxebizitzen birgaitze integrala lankidetza publiko-pribatuan; birdentsifikazio bidezko birgaitze integrala Abenduak 25 kaleko 20. zenbakian; orubeak berreraikitzea (33-35, 37, 43, 55 eta 57 Txabarri kalean eta 51 Los Baños kalean); Birgaitze partziala: Los Baños kalea (39,45,47 eta 49) Txabarri kalea (39,65 eta 69), La Galana kalea 15. 254 erkidegoren kudeaketa
Guztira, 290.000 euro baino gehiagoko inbertsio publikoa eta 350.000 euroko inbertsio pribatua. Eta azterketa-fasean, ARI berri bat, Iberia-Behekoan.
• Azpiegiturak, ekipamenduak eta urbanizazioak: Vicente Díez plazaren azpiko azpiegituren basoa sustatzea, barrutiko berokuntza-sarea (District Heating), El Sol parkea urbanizatzea, lehenengo elektrolineraren instalazioa (Hiru Kontzejuen plaza), Ikastunen Eskola eta Sorospen Etxea birgaitzeko programaren azterketa.
• Garapen soziokomunitarioaren sustapena: partaidetza sozial eta komunitarioko proiektuak, Txabarri SestaON Bizi programaren kudeaketa eta sustapena, laneratzeko proiektuak.
• Energia-zerbitzuen kudeaketa (Piztu Sestao). Etxebizitza sozialetan laguntza sozial energetikoa emateko E-LAGUN proiektua.
• Zahartze aktiborako Housgai –proiektu berritzailea.
• Europako proiektuak: EU-GUGLE, Papirus, Trime, Nezer, Build Upon, +CityxChange.

Irailaren 30etik urriaren 1era bitartean Malagako Azoka eta Kongresuen Jauregian egin zen Greencities, Hiri-Adimena eta Jasangarritasun Foroaren XIII. edizioan, 1.500 pertsona baino gehiago bildu ziren hiri eta udalerri jasangarri, adimentsu eta eraginkorragoen garapena bultzatzeko. Kongresura erakunde publikoetako arduradunak, enpresa teknologikoak, profesionalak, ikertzaileak eta adituak bertaratu ziren. Greencities erreferentziazko topaketa bihurtu da etorkizuneko hiri adimendun eta jasangarrien eraikuntzan parte hartzen duten eragile guztientzat.

Foroa hirien egungo erronkei, garapen iraunkorrari eta epe labur eta ertaineko lurralde adimendunen proiektuei buruzko ezagutza eta konponbideak partekatzeko aukera da. Esparru horretan, Sestao Berrik Innovation HUB-Ekonomia Zirkularreko bileran parte hartu zuen, elkarte horretako kide delako. Berrikuntza HUBak elkarlan, ikaskuntza eta sormen guneak dira kideen artean. Malagako bileran, parte-hartzaileek Green Deal Europarraren deialdi irekia aztertu eta eztabaidatu zuten, 2050erako karbonoan neutroa den Europa lortzen lagunduko duten proiektu eraldatzaileak finantzatzeko mila milioi euro dituena. Nazio Batuek pobrezia desagerrarazteko eta garapen jasangarriaren bidez planeta babesteko adierazitako Garapen Jasangarriko Helburuetan oinarritutako zenbat proiektu bultzatzen ditu Sestao Berrik. Horietako bat energia berriztagarriaren autokontsumo-komunitateak sortzeko +CityxChange hiri adimendunaren proiektua da. Sestaok Europako proiektu horretan parte hartzen du, Irlanda, Norvegia, Estonia, Txekiar Errepublika, Errumania eta Bulgariako beste sei herrirekin batera.

EU-GUGLE proiektu europarrarekin konprometitutako mankomunitateetan birgaitze energetikorako obren amaiera azpimarratzen da Sestao Berri sozietateak argitara eman berri duen 2019ko Jardueren Memoriako balantzean. Horrekin batera, Txabarri-El Sol ARIko zenbait eraikinetan egindako beste jarduera batzuk eta Galindo Ibarreko La Punta eremuan lehenengo etxebizitza-eraikinak amaitu izana ere aipatzen da, besteak beste.

2019ko ekitaldian, halaber, obrak hasi ziren Vicente Díez plazan, azpiegitura ontzia jartzeko bertan. Azpiegiturak, funtsean biomasaz elikatutako auzo-beroketarako District Heating sarearen galdara komunitarioen gela hartzen du.

Udal etxebizitzen parkearen eta ASAP alokairurako interbentzio programaren kudeaketa zehazteaz gain, Sestao Berriren 2019ko Jardueren Memoriak Txabarri-El Sol PERRIaren aldaketa behin betiko onartzeak (2018ko abenduan onartua) iaz izan zuen garrantzia ere aipatzen du. Izan ere, Birgaitze eta Barne Erreformarako Plan Berezi horren guztiaren berrikuspen orokorra egitea ahalbidetu zuen, 2008ko krisialdi ekonomikoaren osteko baliabideetara eta egungo egoera sozioekonomikora egokituta.

2019an izandako beste jarduera estrategiko batzuei buruz garatutako atarikoak ere jasotzen ditu Sestao Berriren txostenak; besteak beste, Ikastunen Eskolaren eta Sorospen Etxearen etorkizuneko erabilerei buruzko hausnarketa eta “Txabarri SestaON Bizi” garapen soziokomunitarioko planaren lehen ekintzen exekuzioari buruzkoa. Plan hori udaleko alderdi politikoek aho batez onartu zuten.

Europako proiektuetan parte hartzeari dagokionez, nabarmentzekoa da 2019an Sestao +CITY XCHANGE proiektuan sartu zela. Energia positiboko barrutiak sortzeko helburua du proiektuak. Horren arabera, energia elektrikoa sortzeko eta autokontsumo partekaturako proiektu-pilotu bat garatuko du Sestaoko hiru eraikinen artean: Ikastunen Eskola, Patronatua eta Arku Etxea.

Sestao Berri joan den hilean Bruselan egindako azken topaketan izan zen, EIP-SCC Hiri eta Komunitate Adimendunei buruzko Europako Berrikuntza Elkarteak antolatuta, Europako Batzordeak sustatutako EIP-SCC Marketplace ekimenaren barruan.

Ehun pertsona inguruk, erakunde publiko eta pribatuetako eta Europar Batasuneko ordezkariek, parte hartu zuren ekitaldian, harremanak eta jardunbide egokien esperientziak trukatzeko eta lankidetza-jarduera berriak sustatzeko Smart City (Hiri Adimendunak) proiektuekin lotuta. Besteak beste, mugikortasunaren inguruan, IKT arloetan edo ekoizpen eta eraginkortasun energetikoan.

Nazioarteko topaketa honetan jorratutako funtsezko gaietako bat hiri-ekimen berritzaileen finantzaketa izan zen. Gai horri buruzko panela antolatu zuten eta bertan, proiektu bat finantzatu ahal izateko sustatzaileak bete behar dituen baldintzak behar bezala formulatzearen garrantzia azpimarratu zuten adituek.

Europar Batasuneko Faro Horizon 2020 proiektuek erakusketa-gune berezia izan zuten. Proiektuok eraikinen energia-eraginkortasunera, mugikortasun jasangarrira eta informazioaren eta komunikazioaren teknologien arloko hiri-berroneratzeko estrategiak garatzera bideratuta daude. Proiektu horien artean, Sestaoren partaidetza duen +Cityxchange nabarmentzen da.

Sestao Berrik oso balorazio positiboa egin zuen topaketa horri buruz, eta lankidetza berriak adostu zituen abian dauden proiektuetarako eta etorkizuneko ekimenetarako nazioartean.